【別．今日VIP】崔建邦10年來訪問超過200人 林溥來盼再有一對一訪談
蘋果日報 2019/12/25 17:55
崔建邦梁嘉琪今日vip狄娜林溥來
（IG圖片）
大台繼《兄弟幫》之後，又一個長壽節目宣佈要「摺埋」，吳家樂昨日在社交網透露《今日VIP》「在平安夜的晚上畫上句號」。《今日VIP》在2009年2月2日首播，至今已經超過10年歷史，據悉最後一集將在下月10號播出。
崔建邦今日接受傳媒訪問時說：「係呀《今日VIP》完成咗佢嘅使命，暫時完結咗。我諗大大話話做咗超過200個訪問，其間離開過，但1個月4個，1年48個，我都做咗起碼超過5年。」問到最難忘的嘉賓？他說：「有好多都好記憶深刻，但最深刻梗係狄娜姐姐，當年佢係指名要我訪問佢嘅，雖然有撰稿員寫題目，但我都用咗好長時間做功課，一路訪問佢嘅時候個背脊一路緊張到流汗。」
而林溥來則對譚俊彥印象較深，他解釋：「我哋係同一位經理人，有見面同食過飯，但真係呢個訪問先對佢深入了解咗，發覺佢對演戲好熱誠同認真，對我演戲都有影響力，原來拍劇都要有一定嘅專業。另外喺社會運動初初開始時，訪問咗一班後生仔叫『春天花花運動丸』，由以前唔同港隊運動員組成，一齊去玩音樂，畀我感覺好正面同樂觀。」他坦言節目結束亦感不捨，希望公司將來會再做類似節目，他說：「深入嘅一對一傾偈，可以訪問唔同界別人士，畀大家可以深入了解其他行業，有時出街啲街坊都會讚好。」
至於梁嘉琪則在IG撰文：「原來我的VIP應該有過百人了。不經不覺，兩年多的時間，我學習很多，成長很多。不是這節目，我不會有機會接觸到香港這樣多層面的故事，我喜歡訪問社會人士，每次資料搜集都好感恩，香港有好多有心人為社企，為慈善活動，默默付出，為香港注入好多好多被忽略了的愛。香港有好多漫畫家、運動員，作家等，成功那只是天份，他們對事物的專注、投入、求變，他們的堅毅為香港增添不少光芒，多謝一直支持節目的你們，希望每個故事都能給你們一點力量，當然少不了感謝台前幕後的兄弟姊妹，來不及說再見，但．終會再見。」
崔建邦表示最難忘訪問狄娜姐姐。（無綫電視截圖）
梁嘉琪在社交網撰寫感言，表示從《今日VIP》獲益良多。（IG圖片）
主持還有李浩林（IG圖片）
黎芷珊（IG圖片）
陳永業（IG圖片）
崔建邦（IG圖片）