當年今日
關於我們

【李八方online】青年音樂節尾聲仲有八成觀眾支持

蘋果日報 2015/06/07 06:00

CY音樂會李八方ONLINE八方白宮發言人青年音樂節

「2015香港青年音樂節」噚日(6月6日)喺灣仔會展搞,特首梁振英都有出嚟支持下。有報道話個音樂會冷清清空凳多,冇人捧場,八方了解過,個音樂節派出咗合共5000張門票,分4時30分同7時30分兩場,噚晚反應其實都唔錯,近9點幾啲觀眾未散水,咁長嘅音樂會,到尾聲都仲有八成觀眾支持。點解等到咁尾?因為要等迷人嘅金鐘國囉,個個女Fans都癲晒啦,仲衝到台前揮手大嗌。

但陪同CY坐前面啲老闆們,可能比較眼瞓,早咗走,所以出現CY附近無乜人嘅情況,連白宮發言人都在場睇騷,咁又真係掃興啲啲嘅。而香港各界青少年活動委員會執行副主席霍啟剛、香港青年音樂節籌委會主席詹勝、上海快鹿投資(集團)有限公司主席施建祥等,都有出席捧場㗎。