柏金遜症，令阿嫻受盡十年折磨，更間接導致她與丈夫離婚，兒子Gary在單親環境中長大，讀書之餘要分神打理家務及照顧母親。Gary四出奔走，希望盡快籌足十六萬元手術費，好讓母親告別四肢終日顫抖及僵硬之苦。

今年十九歲的Gary，剛考完高級程度會考，現正等候放榜。回想數月來既要準備考試，又要打理家頭細務的日子，Gary不諱言頗為辛苦，成績亦或多或少受影響。

兩母子相依為命
「平日買餸、掃地、清潔都係我做，另外，一啲稍為有危險性嘅嘢我一定唔會畀媽咪做，壓力同負擔都幾重，不過媽咪行動唔方便，冇辦法啦，我亦唔介意人哋知佢有呢個病。」Gary說。
母親阿嫻剛患柏金遜症時，Gary仍是一個甚麼都不懂的小孩。母親病後不久，不僅無法再做行政主任工作，家庭亦發生巨變，父親提出離婚，遺下母子相依為命。
阿嫻與兒子此後靠綜援金維生，母子咬緊牙關，度過不少困境。然而，阿嫻的病情近年顯著惡化，已達藥物無法控制地步。
「舊年有次同媽咪食完飯返屋企，過過吓馬路佢突然抽筋行唔郁，跟住跌低，當時有架重型貨車駛緊埋嚟，又就嚟轉紅燈，我要截停架車兼顧住媽咪，好彩最後冇事。」Gary猶有餘悸地說。