【中佬轉行】袁富華做茶記雜工 張松枝掉轉槍頭幫NowTV擺街站
蘋果日報 2020/06/01 18:40
古明華麥長青敖嘉年艾威張松枝袁富華
攝影：張明
近月肺炎疫情影響經濟，不少藝人工作亦大減，收入歸零，若年紀不輕更難言轉行，藝人袁富華、張松枝、艾威、敖嘉年、麥長青及古明華，今日去到九龍灣出席ViuTV真人騷節目《中佬唔易做》記者會，眾人去到不同行業擔任不同工作，袁富華做茶餐廳雜工，張松枝銷售Now收費電視，艾威做油站職員，敖嘉年做外賣員，麥包擔任貨車司機，古明華做家品店售貨員。
袁富華與張松枝曾因合作電影《廉政風雲 煙幕》成為好友，二人透露經常談中佬心事。袁富華在節目中化身茶餐廳雜工，袁富華回想在低潮時曾見工外賣員，但老闆知道他沒經驗便婉拒，袁富華說:「今次老闆都有問我做過未，呢行寫單要記好多代號，客人又多要求，一杯凍鴛鴦又要少冰少甜少奶，不過自己去茶餐廳都係一樣好多要求，今次自己試過沖都唔達標準。」而張松枝在街頭推銷，事前為銷售而上培訓班，松枝說：「客人認得得我即刻幫襯，拍攝1日開咗4張單。」
與梁潔華同是無綫第8期訓練班同學的艾威，看着梁潔華與黃日華認識至結婚，艾威表示第8期的同學有群組互聯，間中有聚會，他說:「上一次見潔華係1年前，當時都了解佢有啲問題，大家有心理準備。黃日華有喺第8期訓練班嘅群組代潔華感謝大家，潔華已經非常幸福，有個好老公咁愛佢，女又孝順，希望佢走嘅時候唔痛苦。」
ViuTV於九龍灣為真人騷節目《中佬唔易做》舉行記者會
袁富華寄語大家要裝備自己。
張松枝與袁富華因合作成為好友。
艾威表示黃日華代太太在訓練班群組答謝大家關懷。
敖嘉年寫上「春天一到 芳華依然」。
麥長青於真人騷中當貨車司機。
古明華於家品店當售貨員。