眾所周知中國係乒乓球強國，國內亦都有搞球乒乓球超級聯賽（乒超），而國手樊振東、許昕、馬龍都有參加，佢哋各自代表唔同「球會」去比賽。為咗唔畀日本球員偷到師，中國早前就落order，話唔畀佢哋打乒超，直至2020年東京奧運為止。而日本乒協亦見招拆招，決定請多啲中國教練、陪練球員到日本。

日本傳媒報道，日本乒協打算請多啲中國教練，相信會大打銀彈政策。日本乒協訓練強化部部長話：「（日本球員）已經可以喺中國訓練，所以嚟緊我哋會請多啲中國教練同埋陪練球員去日本，努力營造一個等同喺乒超訓練、比賽嘅環境畀日本球員。」

正所謂重賞之下必有勇夫，唔知到時會唔會有人去日本做「漢奸」呢？