陳凱興認為警方理由荒謬，「警方係嘗試將遊行集會同非法衝突綑綁，係藉此消滅市民遊行權利，同今日（昨日）下晝4點警方記者會上強調，會獨立處理每個遊行申請係完全矛盾」。他批評警方以區議員聯署聲明為由，拒絕其申請，是否意味若他找到其他區議員，甚至立法會議員支持遊行，警方便改發不反對通知書。
陳又指，與警方在多次會議中就遊行路線、終點及時間作讓步，惟警方最終出爾反爾，「係警方同我哋協商廣褔球場外空地，叫我哋同康文署傾，但最後竟然話我哋未能提供合適解散場地，係set陷阱、揑造事實！」惟陳亦指，反對通知書寫明是「警務處處長基於有需要維護公共安全提出禁止原因」，故他認為未必與一直溝通的大埔警區警員有關，「可能佢哋真係話唔到事，所以希望可以釋放處長盧偉聰，叫佢落區接觸下啲同事」。
陳將盡快提出上訴，希望盡量不更改現時路線，又指不排除同時另外找人申請在大埔集會或舉辦宗教悼念會。被問到若最終不成功，會否歡迎市民照舊到大埔，有現場街坊指，會「門常開」款待寄居旅客。
■記者王春怡