非典型肺炎呢場仗睇嚟有排打，醫護人員喺前線拼搏，勢將繼消防人員後成為市民尊敬嘅行業；學鄭經翰話齋，一定唔可以俾佢哋冧低，所以繼「一人一口罩」運動，大班再建議「一人一個橙」；事關要打持久戰，醫護人員要內外兼顧，除咗戴口罩抗病毒，食多兩個橙亦有助增強抵抗力，小小一個橙，重可以起到激勵人心之效。
不過大班周圍搵，竟然搵唔夠金山橙，因為未當造。佢靈機一觸，打李嘉誠主意，誠哥名下生意多多，包括超市，想搵橙話都冇咁易。據講誠哥一聽，唔使三分鐘就回覆話OK，承諾專程去美國訂一百萬個金山橙，交由大班送出。數下手指，全港五萬醫護人員，每日一人一個，夠食二十日。


傳真︰2623-9278
電郵︰[email protected]