徐濠縈豬流感易主
Eason咳不停
徐濠縈早前患上豬流感,經過連日休息自我隔離後,終於擊退病菌,前晚病癒後大解放上街,先巡視自己時裝店然後一家三口,連同媽媽、奶奶和蘇永康及其母晚飯,反觀陳奕迅戴上口罩,有兩聲咳的他在席間則仍發揮其吹神本色。
徐濠縈上星期在微博上載戴口罩照片,醫生證實她患上豬流感,經過接近一星期自我隔離及休息,終於病癒,前晚她與丈夫陳奕迅(Eason)、女兒康堤(包包)、奶奶及媽咪一家幾口,並約同梁漢文太太Karen、蘇永康與其母往銅鑼灣晚膳。
前晚7時45分,蘇永康與母親先行抵達,8時10分戴上口罩的陳奕迅與女兒康堤會合他們,昨日徐濠縈接受電話訪問說:「我哋私底下同蘇伯母好熟,成日見,呢晚係好普通食餐飯啫。前晚康仔着豹紋衫、我拎豹紋袋,伯母仲問乜家好興豹紋咩!」
前晚見徐濠縈已經解除防備,沒有戴口罩,反而Eason就戴上口罩,阿徐說:「醫生話我啲菌死晒啦,不過仲有少少攰啫,Eason就有兩聲咳,會去睇醫生o架啦。」她表示前晚是病好後第一次出街,她說:「好似大解放咁,返咗舖頭一陣跟住去食飯,喺屋企悶咗幾日,唞多陣會開工做嘢。」
徐濠縈豬流感病癒,前晚首度出街先巡舖及約同蘇永康母子吃飯。DV圖片
女兒康堤黐實玻璃窗看街上途人,發現記者即通知Eason,他即?機反拍。
前晚飯局上Eason繼續吹神本色,吹水不停,剛巧他們用膳時撞正大球場的欖球賽散場,滿街都是古靈精怪look的欖球迷,康堤坐不定貼實玻璃扮蜘蛛俠看街上的人,街上途人更與蘇永康揮手,同時間康堤眼利發現有記者,Eason即用相機反拍記者,然後拉上窗簾,阿徐對此說:「包包好醒,Eason仲唔信話邊度有,包包就話:『呢,對面棵樹下面有三個人呀。』」飯後,Eason沒隨大隊,走後門離開。
採訪、攝影:LeeChiMing