徐小鳳今日喺土瓜灣為9月舉行嘅「金光燦爛徐小鳳演唱會2018」演唱進行綵排，呢次於紅館舉行6場演出，佢今日綵排就唱咗首陳百強嘅《今宵多珍重》。

小鳳姐話今次演唱會唱接近50首歌，基本上係唱唔切，所揀嘅都係大家耳熟能詳嘅歌曲，小鳳姐話：「會唱一啲好朋友嘅歌，有兩首陳百強、達明一派、盧冠廷等，當然想請多啲朋友出席自己演唱會，睇吓佢哋有冇時間。」

小鳳姐表示每一次唱會都好緊張，工作人員都好認真製作，至於會否加場，小鳳話：「加唔加就等觀眾決定，今次相隔兩年再開唱會，做巡迴演出冇所謂，我不嬲喺香港九龍巡迴。」小鳳姐話想去睇許冠傑同譚詠麟嘅演唱會，至於會否上台踩場，小鳳姐話：「唔知佢哋俾唔俾我踩，佢哋嘅節目已經編排得好滿。」

精選娛聞，喺晒《娛果》
http://fb.com/appledailyent