至於崔偉宏大學畢業後喺銀行做過信貸,2000年辭職做職業股民,佢喺18蚊時買咗南京中北,點知隻股一路跌到9蚊,但佢研究後確信自己眼光,捱咗一年,終於喺36蚊賣咗。而邱力原就先從商,賺咗一桶金後先去股壇闖,有說佢喺深圳證交所成立,派第一批新股申請表時,請百人幫佢認購,結果賺咗80萬。
今次個講座,據聞入場券要成1800銀一張,可見佢哋絕對係「貴人」登場,不過對內地嘅散戶嚟講,都唔算咩錢啦,冇人吼嘅原因,主辦單位發言人話,上周三阿爺要大增印花稅搞到個市係咁跌,跟住市場人氣都急跌喇。有證券行客戶經理都話,嗰幾日即刻少咗散戶嚟。睇嚟阿爺呢招有啲效喎。
[email protected]