韓國神劇《太陽的後裔》的宋仲基和宋慧喬今日宣佈離婚，當中喬妹直認與宋仲基性格不合。

而根據韓媒報道，喬妹一名從事時尚行業的友人就透露喬妹於今年開始體重急劇下跌11磅，就連衣服的size也要越着越細件，同時友人又指因為喬妹日漸消瘦關係，表示：「佢手指都變細咗，一戴戒指就會滑落嚟，佢其實好想戴結婚戒指，但因為成日滑落嚟，所以佢就不時去打聽到底有乜方法令到戒指唔滑落嚟。不過都係今年年頭先發生，而家再講都冇用。」

友人又指喬妹平日沉默寡言，甚少主動提及內心世界及感情生活，不過因為婚姻出現問題，喬妹的內心亦十分痛苦，友人坦言喬妹因為太傷心而流淚。

-----------------------------
7月4日起 《蘋果動新聞》只限升級壹會員閱覽
繼續撐蘋果！