張繼聰、周秀娜同邵美琪前晚喺尖沙嘴出席電影《女皇撞到正》嘅慰勞宴,張繼聰話今次好開心可以同邵美琪合作,佢話:「我細細個已經好鍾意佢,睇住佢嘅戲長大,佢係靚女天仙、好索,演技好嘅女演員。」之後問張繼聰覺得邵美琪靚啲定係老婆謝安琪靚啲,佢好大膽話今晚唔講老婆,老婆亦唔會反對!
張繼聰話《女皇撞到正》係以90年代做背景嘅驚慄喜劇,故事講珍惜眼前人,戲中有陰陽眼嘅周秀娜撞鬼,同俾鬼上身嘅張繼聰交流,張繼聰話:「上我身嘅有邵美琪、吳耀漢同葛民輝,我要扮演每個人講嘢,唔算好難,因為佢哋每個人有自己嘅特質。」