黃宗澤同楊崢爆出姊弟戀，而楊崢嘅負面報道亦越揭越多，除咗被指報細數外，又指佢當年趁好友黃佩霞大肚時，搶咗對方老公，報道又話楊崢係「Model界孤獨精」。而楊崢今日就否認撬牆腳報道，仲話已經係十幾年前舊聞，當年已經回應咗，所以冇乜嘢回應。

咁黃佩霞又點呢？佢今晚喺微博貼咗張新相，仲話天氣寒冷，最好就係上一課高溫瑜伽，佢話：「出一身汗，把毒素通通排出。強身健體的好方法。」

其實，噚日爆出該報道後，有網民就留言支持黃佩霞，黃佩霞亦禮貌回覆對方：「我很好。家庭生活愉快，工作穩定。沒有什麼可以打擾我啦。感恩。」