古巨基和森美主持的「亂世兄弟古巨基 x 森美旅行團」昨晚播出第六集，今次基仔同森美齊齊探討「出租行業」的運作，他們找到從事這個行業九年的石井先生深入了解這行業的運作。在節目一開始，基仔和石井先生仿拍了一段日劇《大叔的愛》日語小劇場，石井先生扮演黑澤武藏，而基仔就扮演春田創一，兩人演出一段上司下屬曖昧戲，眼見石井先生對自己摸手摸腳，基仔已經大叫，誰不知森美突然「壁咚」基仔，以《大叔》的經典對白問：「我知道你鍾意巨乳，但巨根你接唔接受啊？」最後成功強吻基仔！

在訪問部分，石井先生話佢要經常扮演唔同嘅角色，包括：出租丈夫、出租朋友、出租男朋友、出租上司、代謝罪人等。聽到「出租上司」，基仔就話覺得好搞笑並說：「我享用唔到呢個服務，我老闆個個都認得，租唔到。」聽到基仔指自己的老闆是楊生後，森美隨即糾正說：「唔係，係古太呀！」

其實除咗日本，香港亦都有「出租服務」，基仔都話有聽過「part time girlfriend」同「part time boyfriend」：「大家忙碌嘅生活裏面缺乏咗愛，所以先有呢樣嘢出現，但係愛呢樣嘢如果係租番嚟，會唔會係好虛無飄渺？愛係真係用時間同用感情去累積！」問基仔如果佢要用呢個出租服務，佢會租一個乜嘢人？基仔笑說：「我最想係租多個古巨基，呢排要開好多演唱會嘅會，仲有綵排，又要準備三月底喺上海嘅時裝周，所以希望租多個古巨基番嚟幫我分擔吓。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI