今日雷頌德（Mark）去到灣仔會展，出席萬希泉鐘錶發佈會活動，由舊年開始，Mark就開始為品牌設計腕表推出巿場，今年就係第二年合作，新嘅作品會喺11月面世，售價就大約係5萬左右。

Mark又話一向都有收藏鐘錶，自己買錶買咗幾十年，上至貴價錶下至膠錶都有。陳慧琳即將舉行個唱，Mark為演唱會任音樂總監，佢話：「流程好豐富，Kelly啲小朋友返咗學，依家可以投入綵排，佢狀態好fit。」