【出國留學】陳慧琳自言衰心軟 希望硬心腸讓囝囝學會獨立
蘋果日報 2019/09/24 16:22
陳慧琳
陳慧琳（Kelly）早前為保險公司拍攝一輯子女儲蓄計劃的新廣告，今日就到灣仔出席首播活動，廣告中Kelly飾演一位希望訓練兒子獨立的媽媽，片段播出後Kelly更即場感動得眼濕濕，她直言自己現實中亦希望做到能硬起心腸，讓一對囝囝學會獨立：「我都仲學習緊，有時有啲嘢想畀佢哋自己做，但見佢哋做唔到自己又衰心軟，惟有有時要靠爸爸惡啲去幫手。」
Kelly又透露一對囝囝各有自己性格，有計劃將來送他們出國留學，她說：「我自己當年15歲去New York讀書，一個人搭飛機，一個人同學校先生打招呼，嚇死我，唔知點解嗰陣時我媽咪咁夠膽。」不過Kelly直言這方法是最能令子女快速成長及學會獨立，她感觸地說：「講講吓大仔（劉昇）都就嚟十歲，好似仲有幾年，感覺仲有好多嘢未教佢咁。」
講到為仔女儲蓄，Kelly直言日後囝囝置業，作為父母定必會幫手：「不過結唔結到婚就要睇佢哋自己啦，我幫唔到佢。」又笑言一直有打聽，知道大仔暫未有女朋友仔。提到隨着囝囝日漸長大，難免會接觸社交網絡，Kelly笑稱：「第時喺屋企都要化行妝Set好頭，唔係一陣間佢唔知將屋企影晒出嚟，見到我冇化妝就個樣擺晒上網。」
採訪：曹家誠
攝影：沈健程
攝影：沈健程
（攝影：沈健程）
Kelly又透露一對囝囝各有自己性格，有計劃將來送他們出國留學。
Kelly直言自己現實中亦希望做到能硬起心腸，讓一對囝囝學會獨立。