韓國女團TWICE嘅18歲台灣成員周子瑜，之前一直被指大腿略微粗壯，不過可能為咗於下月喺日本出新碟作好準備，子瑜近日似係積極瘦身，上周出席「樂天家族演唱會」時，大腿變得比之前更纖瘦，本來有啲圓潤嘅身形亦再現線條。有韓國網民貼出對比圖，留言「子瑜依家嘅身形更勻稱」、「感覺今次真係瘦好多」、「腳線條更好看」等。

另外，日本成員Mina跟子瑜進行直播節目時，粉絲留言指子瑜個樣望落好攰，子瑜回應：「我最近習慣捱夜，即使第二日有行程必須早起，我都會很好夜瞓，好攰都瞓唔到。」

而TWICE將於下月18日於日本推出首張單曲《One More Time》，新歌更係為日本市場原創、而非翻唱自既有嘅韓文歌。