現年29歲嘅韓劇《爸爸很奇怪》男星李準，將於下月以現役兵身份入伍，而入伍前佢亦Keep住工作，前日喺韓國出發飛到墨西哥舉行粉絲見面會。見面會原定喺當地時間今晚(8號)8點舉行，不過今日就有消息指墨西哥於當地時間周四晚上11時49分（本港時間周五下午12時49分）發生黎克特制8級地震(相當新聞: http://bit.ly/2wMVZqo )，令粉絲相當擔心。

目前正身處墨西哥嘅李準就透過Instagram報平安：「依家喺墨西哥，怕大家擔心所以喺呢度留言。我同工作人員感受到地震後，已經全部撤離，依家係穩定狀態。雖然8級地震有啲可怕，但酒店相關人員保護得好好，依家已經冇事喇！為墨西哥人嘅安全祈禱。」而李準所屬事務所亦表示已經聯絡李準及工作人員，確定眾人係安全。據知李準原定後日(11號)返韓，現時未知會否受影響。