【走過婚姻危機】仲間由紀惠為田中哲司陀B四個月
田中哲司仲間由紀惠
【新增內容】38歲日本女星仲間由紀惠與52歲演員丈夫田中哲司結婚四年,終於造人成功。
據日本傳媒報道,仲間正懷孕四個月,預產期係今年夏天。據知仲間於新劇《相棒》嘅戲份已於上月中完成,並已告知廣告商陀B消息,現時開始調整工作準備養胎,而佢主持節目《MUSIC FAIR》,仲間就會依身體情況,決定幾時停工。
仲間於被爆懷孕後,已透過事務所承認有喜,佢透露自己係於好多兄弟姊妹伴陪下成長,故對屋企將添新成員相當期待。而仲間事務所社長就話仲間一直渴望做媽咪,現在終於有喜,由於仲間算係高齡產婦,現時會係關鍵時刻,會讓仲間喺舒適環境下養胎。
仲間同田中哲司於2014年9月結婚,不過去年爆出男方偷食醜聞,最終兩人走過婚姻危機,造人成功,將組織一家三口幸福家庭。
精選娛聞,喺晒《娛果》
http://fb.com/appledailyent
田中哲司去年曾被爆偷食,與仲間外出時夫婦貌合神離。