林志穎早年對囝囝Kimi非常保護，影親相都唔俾佢個樣正面曝光或帶佢出席活動，不過同老婆陳若儀正式補辦婚禮之後，佢同囝囝突然高調返，最近仲參加內地節目《爸爸去哪兒》，帶住囝囝Kimi去鄉郊地方冒險，收視爆燈，連帶Kimi都成為大紅人，仲有傳佢日薪成15萬人仔，真係犀利。

噚晚就有人將《爸爸去哪兒》5個小朋友惡搞成《紅樓夢》同《水滸傳》入面嘅角色，不過大多數人都係留意Kimi被key做林黛玉，因為成張圖個意境實在太match，網友笑言張圖叫「紅樓萌」，又話:「毫無違和感」、「林黛玉那張，真是驚到我了！！！太美貌了！！」
睇嚟Kimi真係好紅!