【新增影片】
土超周日凌晨上演一場暴力大戰，費倫巴治主場迎戰同市宿敵比錫達斯，兩隊全場踢到飛砂劈石，球員個個好似食咗火藥咁，逼到球證最終要出示5張紅牌！主隊最終憑古利安奴同埋雲遜贊臣射入兩個12碼，以2:1擊敗有賴恩巴布破蛋嘅客隊。

睇返場比賽，客隊翼鋒哥利斯馬喺上半場43分鐘兩黃一紅，而主隊中場尼圖喺兩分鐘後領紅。下半場尾段就上演紅牌高潮，主隊後衛伊斯美高巴斯，客隊中場赫捷臣、奧斯耶古相繼被逐。不過好笑嘅係，客隊有殺人王之稱、有踢人前科嘅中堅比比，成場都踢到好冷靜，竟然無俾人趕出場！