當年今日
關於我們

【短片】【圖輯】「講多謝工作人員唔啱」 黎明又爆金句:應該講辛苦晒﹗

蘋果日報 2013/06/23 06:00

黎明雷頌德

《雷頌德ThankYou演唱會》噚晚繼續喺紅館舉行第二場演出,鄭秀文(Sammi)一出場就唱《男仕今天你很好》同《發熱發亮》兩首快歌,令全場High爆,Sammi又向雷頌德(Mark)飛吻。

Mark再開口撐RubberBand,佢話:「你哋演出7.1個騷,唔使擔心歌迷唔了解你哋,有遊行就證明香港仲有自由!」令全場拍掌歡呼。

至於黎明繼續爆金句,第一場發表「講嘢唔使開口」金句,令全場捧腹後,Leon噚晚再嚟料,連爆三個金句,佢首先話:「你喺個騷成日話 多謝晒工作人員,其實係唔啱㗎,佢哋有出糧㗎嘛。應該講『辛苦晒』,對工作人員就講辛苦哂,對觀眾就講多謝。

Leon又話:「政府部門成日話嚴肅處理,其實咁講又係錯㗎,嚴肅係表情,唔係態度,應該係用 嚴謹態度 先啱。」

Leon再憶述返同Mark恩師黃霑先生嘅點滴,佢話:「霑叔嘅湯好好飲,一個咁好嘅人走咗,唔緊要,大家記得佢, 凡塵俗世,身體只係一個軀殼。 」講完就即刻唱出《情深說話未曾講》。



有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange