朱璇憑選美入行便有份主演電影《淚王子》，起步雖然成功，但隨後一段時間完全冇工作，朱璇BB坦言需要時間去適應，之後佢自薦入國語配音組，佢話：「 初頭我以為自己國語講得好就得，點知兩分鐘配音就錄咗三個鐘，若果唔係大家趕收工都唔收貨。 」大學時朱璇BB修讀戲劇，佢一直都覺得自己識做戲，點知入劇組就發覺有好多嘢要學。

講到法國留學時，佢試過有個角色好適合自己演，可惜因為要正面全裸，最終推掉，佢話：「 我對自己正面全裸都冇信心，點會演得好？ 」問到有冇同法國男生拍拖，佢話試過暗戀法國籍導師，仲向對方示愛，不過冇發展，事後諗番係崇拜多過愛佢喎。



有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange