青衣長亨邨亨緻樓一個低層單位住戶謝先生向本報投訴稱,他約十一年前遷入該單位後不久,天花板已出現滲水,當時房屋署亦有進行修補工程,情況有所改善。
打針灌漿又再滲漏
四、五年前,滲漏情況轉趨嚴重,單位內無論客廳、睡房及廁所的天花板,均曾有水滲出,甚至令天花板批盪剝落,連睡床亦要放上報紙以盛載跌下的批盪灰塵,維修多次但無效,令他們一家生活備受困擾。
「每一次出現問題,我都搵房署同管理公司處理,佢哋每次派人嚟到都只係喺天花板打針灌漿,不過次次打完無耐,好一陣之後又再滲過,又要再搵佢哋整過,我都數唔到打過幾多次針,都重係咁,一啲都無改善。」
裝修師傅不接生意
記者到謝家查看,見單位客廳、其中一個睡房及廁所天花板,均有滲水痕迹,批盪剝落,部份牆壁亦有批盪剝落情況。
「見到幅牆同埋天花咁樣,真係住得唔舒服,本來想搵師傅裝修吓,點知佢寧願唔做我生意,話裝修完又再漏過,根本無用。」戶主要求房署盡快解決滲漏問題,但無結果,轉向《蘋果》求助。
本報已將投訴個案轉介房屋署,房署仍在跟進中,暫未回覆。
(○八二五○九一)