歐瑞偉、何綺雲和郭千瑜今日在荃灣出席新店開幕，並擔任剪綵嘉賓，吸引不少市民圍觀。歐瑞偉坦言因為《愛．回家之開心速遞》，令他有不少進賬，何綺雲說：「之後都會出席一間新店開張，互沾大家嘅旺氣。」

對於資深演員劉江離開無綫，歐瑞偉表示：「頒獎典禮嗰日我先知，佢走埋嚟同我講『我離開喇！』」問到會否感到愕然？他續說：「我覺得呢啲好難講，咁咪出面見！」前輩級演員陸續離巢，歐瑞偉直言要盡量珍惜，何綺雲說：「可能有第二個合作形式。」為怕有斷層出現，歐瑞偉表示後輩演員要多學習。問他是否視「萬千光輝演藝大獎」為目標？歐瑞偉笑說：「我有排都未得，嗰個奬真係要輩份好高先得，我而家仲偷緊師，例如丹爺（劉丹）、囉囉攣（羅樂林），囉囉攣好好，冇脾氣，順得人，唔會粗魯，我都學緊佢。」何綺雲即笑說：「你成日都鬧我，話我做得唔好。」歐瑞偉反駁笑謂：「我幾時有？」

提到《開心速遞》現時已改為每晚播映，歐瑞偉表示就算要客串《伙記辦大事》，都不會太辛苦：「不過而家開7日工，所以未知年初三要唔要開工，因為多咗集數，我哋要多啲存貨。」提到忙於工作，有否被家人投訴？歐瑞偉笑說：「我晚晚都返屋企，但都試過連續3日喺廠瞓，不過樂得其所，唔知係咪年紀大，我瞓幾個鐘就夠，長期作戰係咁㗎啦！」

採訪：黃曉妍
攝影：林賓尼

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇