韓劇《原來是美男》男星張根碩早前演出日本節目《DOWNTOWN NOW》，跟主持由戀愛話題，到經理人管理方式，討論日韓藝人之間嘅唔同，不過於前日播出一集中，日本組合AKB48成員峯岸南就因為問張根碩係唔係整容而被指失言，令日韓網民都留言要求峯岸南道歉。

於前日播出一集中，張根碩、峯岸南等人一邊享受美食一邊討論，氣氛非常融洽，不過食完飯後，峯岸南就問：「有件事想問但冇問到，想問佢（張根碩）係唔係整容啦？」其他人聽到後都非常驚訝，回應：「唔可以咁問啦！」

節目播出後，網民於峯岸南嘅Instagram留言，認為佢言論過於輕率，亦有韓國網民留言「你照照鏡再問吧」、「真係好冇禮貌」等，不過亦有人認為峯岸南只係為咗節目效果先開玩笑。