第74屆威尼斯影展將於香港時間今晚揭幕，20部入圍主競賽單元電影會爭逐最高殊榮金獅獎。福山雅治將會憑名導是枝裕和新作《第三次殺人》參展，係二人繼《誰調換了我的父親》後再度拍住上出戰國際級影展。

福山雅治會將要出發出席今屆威尼斯影展，由佢夥拍張涵予、河智苑嘅吳宇森新片《追捕》會於盛會上以非競賽電影展出，而福山噚日就偕同是枝導演現身大阪，為《第三次殺人》舉行優先試映場，今次福山挑戰扮演一個只在乎勝負嘅律師，佢自言呢樣係自己同角色嘅共通點，福山重提2013年《誰調換了我的父親》成功奪得康城影展嘅評審大獎，佢話當時喺康城流下男兒淚，福話揚言：「男人唔會喺人前落淚，但我唔介意喺威尼斯有呢個經驗。」