反對《逃犯條例》示威活動至今未平息，政府雖然取消今年10月1日嘅煙花活動，但如常舉行10.1升旗禮同酒會，但為咗避開示威，升旗禮會移師至灣仔會展大會堂嘅室內舉行，唔少政、商界人士近日陸續收到政府嘅邀請信，但有過往獲邀出席嘅民主派立法會議員，今年就被篩走，唔知係咪因為反送中抗爭活動中，太過勇武？

八方聽聞今年「有幸」不獲林鄭政府邀請出席嘅包括民主黨立法會議員尹兆堅。除咗6.12喺立法會外保護反送中人士時被警方無理以催淚彈同胡椒噴霧「招呼」，尹兆堅7月中亦喺上水清場其間同警方理論時，被對方以防暴警盾推撞，前額仲被警棍仆中，其後佢針對警暴同濫捕，狠批無留手，唔通因此被篩走？

八方問過尹兆堅，佢話職員打過去民政事務總署專責事務組查詢，確認自己今年不獲邀，當然無解釋理由，但佢話呀：「被封殺，與有榮焉，證明我做得啱，站在群眾一方」，同時批評林鄭又話任何意見都會接觸，簡直係吹水，諷指：「we connect變we contract……個list係咁縮。Only connect the politically correct」。

專業議政會計界立法會議員梁繼昌今日話自己暫時未收到出席10.1升旗禮嘅邀請，不過即使收到，都唔不打算出席，因為希望參與群眾活動。而獲邀出席嘅民主派立法會議員區諾軒就預告唔會去。

同樣收到邀請、身兼青年發展委員會委員的民主黨吳思諾於facebook展示邀請涵，當中註明嘉賓要穿正裝，制服或民族服。吳留言反問，如果她的制服或民族服是「黑衣，口罩，黃頭盔」，「唔知畀唔畀入場呢？」

-----------------------------.

9.28五周年集會

日期：9月28日（星期六）
時間：晚上7時至9時
地點：添馬公園
註︰不反對通知書申請中

主辦︰民間人權陣線
-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰不反對通知書申請中

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港