當年今日
關於我們

【拎個羅庚出嚟先】搬屋因為風水差? 陳展鵬認迷信

蘋果日報 2018/06/21 19:11

租屋陳展鵬風水

陳展鵬近日捲入租屋羅生門,佢同業主各執一詞都話對方有問題,事件最終交由律師處理。(新聞連結: https://bit.ly/2sQ3kTC )
今日有周刊報道指原來陳展鵬自入行開始已經篤信風水命理,而自從聽從風水師搬到維景灣畔之後,事業就一帆風順,更加拎到視帝添!
為咗更上一層樓,所以陳展鵬再次聽從風水師意見搬去維景灣畔三面向海嘅單位,點知就頭頭碰著黑,又成日同女友單文柔嘈交,阿媽仲要跌親到依家都未好番晒,所以陳展鵬就覺得呢個單位風水唔好,急急腳搬走。
今日陳展鵬喺中環宣傳新劇,問到佢係咪篤信風水命理,佢就話作為中國人,信少少都好正常。至於係咪因為風水先搬?佢就話搬屋最緊要係因為租金問題,對於同女友同居及風水等問題,佢就帶記者遊花園,避而不答,至於同舊業主嘅問題,就仍然交由律師處理中。
精選娛聞,喺晒《娛果》
http://fb.com/appledailyent
empty
陳展鵬近日捲入租屋羅生門,佢同業主各執一詞都話對方有問題。
empty
今日陳展鵬喺中環宣傳新劇。
empty
有周刊報道指原來陳展鵬自入行開始已經篤信風水命理。
empty
問到陳展鵬係咪篤信風水命理,佢就話作為中國人,信少少都好正常。
empty
至於係咪因為風水先搬?佢就話搬屋最緊要係因為租金問題。