集體回憶再下一城！今次網民的題目是「兒時玩意/電視劇/電視廣告」。發帖人「溫孽」最難忘「小學時電視成日播維他朱古力奶廣告」，網友都有同感。
「意念力」的童年回憶最悲慘：「試過飲可樂飲到糖尿病，先抽到個金搖搖，被一個類似技安嘅同學搶咗個蓋掩，話幫我換，點知換咗個紅色普通版返嚟，話金色換晒，隔日見佢自己玩個金搖搖，我同訓導主任告發佢，但攞番個搖搖時，已經被佢玩到甩晒色，變咗銀灰色！」
「人馬一體」難忘電視廣告：「十五樓嘅牛牛。」「wonggap」則記起校長經常哼的歌：「我墮落廁所，俾廁紙捲住咗！」還有兒時數字歌，由一數到十：「一落樓梯、二樓仆低、三個觔斗、四肢殘廢、五個傷口、六塊膠布、七孔流血、八時入院、九時死亡、十分凄慘。」