用新聞搜尋系統Wisers搵搵,噚日有19篇文章報道任總與陳德霖對雨傘運動嘅睇法,當中有9篇以任志剛為標題,其中3篇條題有埋陳德霖。以呢個情況去睇,任總今次又成功搶咗陳德霖風頭了。
點解話「又搶」呢?如果大家心水清嘅話,就會發現今年2月,任總以中大學者身份撰文建議廢除調控存款準備金率,翌日陳德霖就發表一篇回顧離岸人民幣十周年文章。7月中,陳德霖原本計劃好有個專欄講樓市,點知任總一篇雜誌訪問早佢兩日出街又係講樓市。
都係嗰句,陳德霖好日都冇乜嘢發表,每次準備有嘢講,任總咁啱就搶先講咗類似題目,今次陳德霖老遠喺巴黎講雨傘運動,任總又出稿。
任總有「金融沙皇」之稱,強勢坐鎮金管局16年,即使退休5年,又講過「不在其位,不謀其政」,但係說話依然極具份量,並非浪得虛名,加上陳德霖作風低調,上任後多數出席立法會會議或忽然出稿評論孖屐,難免冇任總咁深入民心。
李華華
mailto:
[email protected]