韓國女團GFriend將於下月16日襲港，舉行由美亞綜藝、本地舞台及輝皇娛樂主辦嘅《2017 GFRIEND Mini Concert in Hong Kong》，今次係GFriend繼去年來港出席MAMA頒獎禮後再度來港，而且更係首個於香港舉行嘅單獨公演，未知成員會為港迷準備咩驚喜呢？

GFriend六位成員今日就率先公開一段短片，跟香港粉絲打招呼，成員Eunha表示第一次單獨跟香港粉絲見面，令佢既期待又興奮，隊長Sowon亦「入鄉隨俗」，帶領成員以廣東話向香港粉絲打招呼及高呼「我愛你哋！」，相信一眾港迷已經非常期待跟六位「小女友」嘅初次單獨「約會」！GFriend港騷門票現已公開發售，票價分成三種，持VIP門票嘅粉絲更可以跟GFriend擊掌。