【iPhone 8開賣】豪預300萬cash收機 炒家:史上賣得最雞
先達炒燶收機價iphone 88 Plus
iPhone 8及8 Plus今日(22日)正式開賣,但不足半日大細機的收機價都跌過原價,不少果農炒燶損手,亦有ireserve買家決定放棄取機,以免無法脫手。不過下午,「先達交易場」出現逆轉,有部份機款收機價一度回升,但截至晚上8時半,全部機價再「跌破新低價」。在先達經營手機店數碼匯多年的阿勇,今次就預備好300萬現金收機,惟iPhone 8首日發售即炒燶,令他大失所望,最終僅花了220萬元收機,更將此一役評為:「功能最好,但史上賣得最雞!」
新iPhone交投淡靜,先達人流只比平日只多兩成,iPhone夢碎,同時無法令先達起死回生。「跌破底價,好多人蝕住放機!」今日一早返先達坐陣的阿勇邊忙著收機邊說,他坦言雖然早已預料iPhone 8炒風大減,但沒料到比預期更低。不過由於不少果農願意「蝕讓」,阿勇就豪言「唔停收」,「我收一部賺一部,梗係唔停啦!」據他粗略估計,截至下午,他已收機130部,同時亦放售了70部,其中以64GB「細機」銀色和太空灰,以及256GB「大機」銀色和太空灰最受歡迎,一度每部高收60元,但之後收機價已大幅回落。
以往一直最搶手的「土豪金」,今次卻全部仆直。阿勇分析,全因今次蘋果大量出貨,金色版貨源不絕,令大細機出現大跌價。晚上阿勇總結,今日僅賺微利,因為有不少熟客訂機,但相比以往一個月賺百萬,利潤就差距甚大,「本來首日預賺20萬,點知而家得幾皮!」今次iPhone 8炒唔起,他歸咎於iPhone 8及8 Plus與上一代iPhone 7相差不大,而且中港兩地同步發售,內地客不用特意到港買貨,而且不少買家睇好iPhone X,令iPhone 8淪為「蟹貨」。
炒家阿勇預300萬現金收機,但直言iPhone 8令全行大失所望。
今次iPhone 8及8+乏人問津,先達手機店交投淡靜。(張軍攝)
不少炒家在先達外問價,但水位太低,炒唔起。(張軍攝)