原名張偉芬的魯芬，藝名的由來是因為朋輩中都以「老」字相稱而改。

魯芬20多歲玩票跟契爺董驃演出而入行，處女演出是86年，跟熊良錫在觀塘搞的是棟篤笑。當時亞洲電視老闆邱德根看完魯芬的演出，即著董驃找她簽約做演員，當年魯芬抱著玩票性質拍劇，大多是客串。魯芬生前受訪時笑言:「入電視圈都係當玩，自己仲有份正職，靠亞視份糧，我咁肥點養得起我。」

一切都是巧合。曾志偉的太太是魯芬從小玩到大的深交，《女子監獄》開拍，曾志偉見有角色適合魯芬，於是找她粉墨登場，是為被鄭裕玲打到頭破血流的山東婆，自此奠定影圈中惡婆娘的地位。

現實中魯芬一樣好好火，她曾說：「我大聲唔代表我冇禮貌，啲人講極都唔明。而且我咁大份講嘢係大聲啲，不過我係有道理嘅大聲，我陰聲細氣同你講嘢你都驚啦。」

魯芬在《九品芝麻官》演的烈火奶奶，以及《龍咁威2之皇母娘娘呢》中的奀妹都令人印象深刻，更令她開拓大陸市場，在大陸不少fans，「佢哋見到我都係叫我『烈火奶奶』，唔係叫我名，好多人都搵我返內地登台。接頭人會話『芬姐個場就麻麻，希望你唔會介意』，我話你搵我咁識貨有乜介意？」絕對敬業樂業。