特首林鄭月娥今早出席行政會議前見記者時，重申自己由開始至現在「都無向中央提出請辭」，原因認為自己有能力帶領團隊幫香港走出困局。民主黨立法會議員林卓廷強烈質疑林鄭講大話：「林鄭一係同商界講大話，話自己無（辭職）選擇；一係對巿民講大話，話自己無意辭職，其中一個一定係大話」，引述錄音顯示林鄭清楚指自己為香港帶來「不可原諒的浩劫」，「咁佢（林鄭）憑乜嘢有信心帶領香港走出困局？香港人都唔原諒你」，認為林鄭向商界披露的心聲若是真話，「顯示港人治港、高度自治係赤裸裸嘅謊言，連特首係咪留任都無自主權」，反映林鄭只識聽命於北京政府，「好明顯佢係一個奴隸」。

他質疑林鄭自稱連外出剪髮都不能，只能長時間留在禮賓府，實已變成「政治囚徒」，批評林鄭只躲在警方盾牌後面，「點解佢唔撇脫辭職？你咪先交信畀中央政府、再公開交代，咪離港囉，邊個阻到你？」，認為林鄭若尸位素餐，拒絕問責下台，只會成為香港史上最大罪人。

民主黨主席胡志偉則反問林鄭呼籲社會要多包容，「佢（林鄭）何時包容過今日嘅示威者同抗爭者？而家連年青學生返母校表達意見，都可以被警方用暴力拘捕」，批評林鄭至今拒絕約束警隊濫用暴力，又拒絕政治問題政治解決，「結果由特區同中央政府自編自導自演一套攬炒策略」，稱警隊若要「止暴制亂」，「第一樣要制止嘅，就係警隊嘅暴力」，否則無法令社會回復平靜，重申林鄭若不能成立獨立調查委員會及正式撤回修例，「將會赤裸裸話畀全世界知，香港嘅高度自治已不存在，連內部事務都無任何權力解決和處理，呢個係林鄭帶畀香港嘅災難」。

-----------------------------
【撐學生】
召集有心人 撐學生全年睇《蘋果》
立即按此