昨晚在家上網看看有無新車Information，點知一去到本田的網頁見到有部名為Airwave的新車，旁邊的無聊人突然大叫：「本田出香口膠？」我心想唔知就唔好懶醒啦。言歸正傳，全新Airwave望落似部七人車呢？查實它是一部可乘載五名成人，兼可以載埋隻狗的Wagon旅行車，單是外形已是煞食得很，車頭看起來跟新Civic和Stream好相似，都係一字形鬼面罩襯那對大得很的頭燈，型哩？

記者：鄭達基

賣點係個大天窗

呢期肯定流行新車配大天窗，搞到差不多所有新車都以大天窗做賣點，當然Airwave也不例外，它那個天幕式車頂大到前後兩排乘客都用到，用來跟愛侶曬月光最啱。
據知，這部新Airwave是用上新改良的車架，操控比Stream好，空間使用亦接近大型MPV，由於車身只是Wagon大小，在彎路上動作相當矯捷，加上一台1.5公升VTEC引擎，馬力輸出有110ps/5,800rpm，扭力則是14.6kgm/4,800rpm，足可應付旅行車的高負重行車，而HondaMultiMaticS無段變速自動波波箱，仲可以變做+/-7前速模式，爽呀！