全場大合唱完《可惜我是水瓶座》之後，千嬅開始說話了：

「你哋好呀！好開心！今晚係《三二一GO！》第一場，好多謝大家嚟成就我嘅夢想。呢個夢想已經好耐喇，跨年對我嚟講有好特別嘅意思。」全場大嗌。

千嬅即問大家：「下？你哋講咩話？叫我唔好喊？依家八點幾咋！好啦！我盡量啦！」

「大家之前睇我咁多次演唱會，好似喺一個漫長嘅時光隧道咁，由初生，熱血，戀愛，到依家。大家可以喺今次演唱會睇到踏實嘅楊千嬅另外一面，入到楊千嬅嘅大腦細胞入面，睇下係咩思維。」

「呢個演唱會除咗展望未來之外，人生係充滿力量嘅。我會將我嘅力量同大家Share，呢種亦係愛嘅一種。」