百變天后梅艷芳今日15周年忌辰，一班梅艷芳歌迷依舊去到九龍塘省善真堂拜祭梅姐，大約12點左右，10多位歌迷在梅姐靈前誠心上香，並以蜂蜜蛋糕、咖啡、可樂、三文治、點心、蛋撻、乾炒牛河、糖、杯麵等誠心拜祭。

有歌迷送上花牌、紅色玫瑰花、盆栽，並且留言寫下對梅姐嘅思念，「十五年了，留下只有思念，對您情懷未變。」、「只有你像每一天的空氣，見與見不到也一起，此生有着你，讓每天心中所記，每一句每一章都是傳奇。」、「斯人若彩虹，遇上方知有，15年思念梅艷芳。」

在梅姐靈前放上青提子拜祭的香港歌迷黃小姐受訪時稱：「15年，希望佢喺天國安好，我送提子係因為以前睇過梅姐一個訪問，佢見到提子好似好開心，所以我就送提子畀佢。」至於另一位大陸歌迷表示每年都會與其他歌迷來港，自發性拜祭梅姐。