荷李活女星謝茜嘉艾芭（JessicaAlba）同積遜史廸咸（JasonStatham）合作新片《TheMechanic:Resurrection》，將於8月上映，電影剛公開新預告。

電影係2011年上映嘅《TheMechanic》續集，講扮演殺手嘅積遜史廸咸原本打算隱姓埋名同謝茜嘉艾芭過幸福生活，點知謝茜嘉艾芭突然被綁架，要脅佢再出手，喺預告片入面，可以見到積遜負責片中嘅大量動作場面，包括見到佢攀爬摩天大廈，同喺吊車跳落嚟嘅驚險鏡頭。

至於謝茜嘉，危險動作戲就唔會有佢份，但都有一幕謝茜嘉偷襲挾持佢嘅人，見到謝茜嘉一手襲擊對方下體，出手都好狠，當然唔少得晒吓身材，有一幕佢着三點式落水嘅場面。