【熟晒地頭】上次一見A加3即起孖 大摩今期隨時唔止!
沙田草地起孖A加3跑道綠勇士大摩
沙田草地A加3跑道今季暫只用過一次,此乃10月1日國慶賽馬日跑十場草地賽。
當時大摩馬房起孖最威,包括以「蓋世之寶」贏出頭場,以及憑「美麗傳承」捧走慶典盃三級賽。而大摩本身近兩次田戰都起孖,周日(23日)田草日馬對他來說,亦可謂集有利條件於一身。
到時摩廐出九駒,陣容不弱,大有機會再贏日馬攞威。其中,第五場四班1400米「綠勇士」,回師第四班復戰勝程,隨時一擊即中。
第八場三班1200米「勝利歡星」,本身已四勝同程,乘勇再戰有權續勝。第九場二班1000米「薈力之城」,五戰同程四冠一季,路有專長,亦可名列前茅。