對上四期六合彩頭奬均懸空，今晚（13日）第43期多寶有2,919萬左右，馬會估計如只得10元一注中正頭獎，幸運兒可贏3,700萬元。

自從第34期沒有攪出2字頭冧巴以來，它們近八期均有出現，尤其是近三期每次均開兩個，走勢十分穩定，預計今期應又有同類分子入圍，不妨從中揀選對象捧場。

早前一度落空多期的21號，近日曾在第36、37及40期共三度攪出，明顯已轉旺。其間它亦試過以雙跳格局上名，隨時繼大前期後於今期復開。

至於29號在第26期攪出後，直至上期終再度出現，既然近日常有號碼連開，兼且對上四期例有9字尾分子露面，亦可博其再下一城。

其餘配腳可向4字頭大號碼埋手，事關在近20期內，從未有某類號碼打叠三期不上名，再加上近兩期的七個開獎號碼總和越來越大，足證這次是時候博它們反彈。

當中40號在第23至42期之間共開五次，近績佳兼曾相隔兩期開出，記得拖埋佢。