據美國八卦網站《TMZ》爆料，真人騷女星Khloe Kardashian已經懷孕三個月，而BB嘅爸爸就係佢現任男友、騎士中鋒T湯臣（Tristan Thompson）！

Khloe似乎一直對NBA球員情有獨鍾，佢曾經同前湖人球星奧當（Lamar Odom）結婚，兩人結束關係之後，Khloe又同過火箭球星夏登（James Harden）一齊一段時間。Khloe同T湯臣拍拖約一年，而佢之前受訪時仲對呢位騎士中鋒讚不絕口：「我唔需要靠結婚戒指，都覺得同佢一齊係正確選擇。我依然相信婚姻，但我唔想為自己嘅婚期訂個時間表。」