陳慧琳、鄧健泓、張敬軒、鄭融和組合SKY前晚在灣仔會展演出「為夢想找一個承諾音樂會」。Kelly透露在電影《終極無間》中,導演為她與梁朝偉安排了一場激吻戲,Kelly更特地請荷李活戲劇老師上課教拍接吻戲。
「我想上堂後厲害啲」
Kelly說:「嗰場戲唔係蜻蜓點水咁簡單,係要表達我好愛偉仔。我好緊張好驚呀,老師教我要相信自己好愛嗰個人,唔好只掛住演戲,要投入先錫得自然,對眼要深情,先交代到愛。」提到偉仔雙眼懂放電,Kelly說:「我知,我都想上堂後厲害啲,先同佢交流到嘛,到時要表現得好轟烈。」
Kelly表示偉仔是她鍾情的類型,她說:「佢斯斯文文,乾乾淨淨,有talent有才華。」問她若沒有男友,可會考慮偉仔?Kelly說:「唔可以咁講,大把人可以考慮啦,人哋都唔吼我啦。」
問Kelly可擔心男友Alex呷醋?她說:「我會解釋畀佢知,雖然我演戲係對住梁朝偉,但腦海裏諗住嘅係佢。」不過Kelly透露現時仍未向男友備案,她說:「佢實唔開胃啦,我唔畀佢睇,亦唔話佢知住,不過對手咁弗,佢都無話可說。」
鄧健泓介意女友過去
而鄧健泓透露原本今個月推出的新碟要延至下月才推出,因雷頌德覺得碟中歌曲太傷感,故拔刀相助為他作了首講枕邊人的新歌。問枕邊人是否指原子鏸?鄧健泓說:「唔知,首歌講到因介意女友以前拍過幾次拖,我都介意,會問番佢同乜男仔做過啲乜囉,但如果佢問番我就口啞啞㗎。」問鄧健泓有否問過原子鏸,他說:「我唔講,但我會咁做。」
採訪:李珮洳
攝影:陳偉權