【本報訊】年卅晚天公造美，年宵市場丁財兩旺。維園潮人玩意人氣旺盛，「憤怒鳥」、iPhoneicon咕、精美風車大熱賣，檔主們財源滾滾過肥年，未入黑已提早收爐與家人吃團年飯。貨品抬價又抬價，市民仍踴躍解囊，期望迎來豐足快樂的兔年。
最受市民歡迎的維園年宵市場，昨日下午已迎來第一波人潮，不少上班半天的打工仔，未吃團年飯先到花市逛一轉。部份以潮流玩意作主打的精品，連日來一直大賣，至昨午貨量所餘無幾。鄧先生與大學同學設計的「憤怒鳥」豆袋公仔，至昨午5時只賣剩9隻，「生意好好呀！市民出手好豪爽，我諗7點已經可以收檔。比預算嘅盈利多五成」。

售賣iPhoneicon咕的檔位昨午已賣去一半貨品，其中以Facebook圖像最受歡迎，加價至88元一樣賣斷市，負責人指今年肯定毋須通宵擺檔。以網友最愛「高登討論區」小丑神作招徠的咕精品一樣大賣，負責人陳先生指，幾日來售價由68元加至最高238元，市民照買如儀，「大家都冇慳住慳住，生意比想像好好多」。另一檔售賣特色風車的攤位，負責人才哥笑言，晚上已準備與親友打邊爐團年，「都已經賣咗七成貨，一路都冇加過價」。
乾貨市場大旺財，濕貨攤位卻只旺丁。雖然濕貨市場人流絡繹不絕，但市民看的多、買的少，有檔主向記者大吐苦水，指大除夕生意較早兩日還差，「今日都係靜，肯定要做通宵！我已經賣到好平，25蚊盤花，仲點減價」。