雙學三子黃之鋒、羅冠聰及周永康於2014年「9.26」發動重奪公民廣場，事後被裁定非法集結及煽惑他人非法集結罪成，判罰社會服務令及緩刑。惟律政司不服刑期過輕，一年內兩度提出覆核，要求將三子即時收監。上訴庭早前頒下判決，狠批有有識之士鼓吹「違法達義」的歪風，影響年輕人，上訴庭決定，改判三人入獄6至8個月。

而聽日三點民間人權陣線、新界東北發展關注組、社民連、香港眾志、大專政關、土地正義聯盟、小麗民主教室等組織，會由灣仔修頓出發遊行到終審法院大樓，聲援近日遭律政司覆核判刑被改判入獄的抗爭者，抗議政府政治迫害

《蘋果》問到曾參與雨傘運動嘅泥鯭@RubberBand，對呢件事有咩意見，佢就以以短訊回覆，力撐雙學三子：「係政治迫害！三子同早前被判刑嗰十三位素人都係政治打壓嘅受害者；有良知嘅人一定會記住佢哋為香港蒙受冤獄。

「特區政府如果繼續執意與民為敵, 我想必定會有第二次甚至第三次雨傘運動，市民嘅反抗亦一定會比之前聰明、激烈。

「希望呢十六位人士同香港人唔好氣餒！聽日一定會出嚟行！」

而歐錦棠日前都有喺facebook講到呢件事，佢話：「香港人，繼續專心看你的手機就好，別想着抬頭望天，因為天已被烏雲所掩蓋；專心看你的手機就好，因為你的頭只會永遠朝下，上面的風景不是留給你們的。」至於聽日嘅遊行，歐錦棠已經安排好時間去支持。