徐子淇、關心妍、周汶錡、王敏德、森美、王菀之及Krusty等昨日出席在尖沙嘴海港城舉行的「壹慈善大拍賣」活動，他們聯同其他藝人，在Motorola手機上簽名或刻上心意字句，再供市民在網上競投，所籌得款項撥捐兒童癌病基金。

家中冇私隱

關心妍表示已瞄準目標，希望奪得偶像關淑怡的手機，故望fans能高抬貴手，不要與她爭奪心頭好，至於徐子淇則決定親自上網為自己的手機抬高價錢，認真有善心。
此外，早前徐子淇被周刊偷拍與男友李家誠在家中的情況，最近黎明與樂基兒又被偷拍在家中的親熱照片，住在黎明毗鄰的徐子淇說：「我覺得係喺我屋企嗰邊影過去（黎明家），之前我俾人影就係黎明嗰邊影過嚟，因為另一邊係山，嗰度冇可能影到。」
子淇覺得拍下藝人家居私生活絕非正確行為，她說：「真係有啲過火，出街俾人影到就好正常，屋企係私人地方，我𠵱家每日都好驚，屋企要拉埋窗簾，着性感啲都驚。」
撰文：魯萍