里約奧運頭段主打項目，肯肯定係游水啦，各國最強泳手齊集泳館，目的只有一個，就是奪取金牌，甚至想打破世界紀錄。既然各泳手喺水中仲勁過行路，咁場館內又有冇需要救生員嘅存在？答案係有嘅，而且有成75人咁多，以防泳手出現意外。不過，好似費斯呢類「水怪」比賽中出現抽筋或受傷情況，機會真係唔夠百分之一，75個救生員睇嚟都係食住花生睇各「水怪」表現。