要睇靚女黑珍珠荷爾芭莉的演出,新近之選當然是剛剛上映的《變種特攻2》,奈何這位暴風女神在戲裏面包到實一實,身邊的男性朋友即時大呼:「咁就無咁吸引喎!」喂喂喂,各位仁兄,演技同劇情先至最重要嘛!不過,若然睇戲以睇靚女為大前提,那麼便一定要重溫《新鐵金剛之不日殺機》,這位邦女郎不單止打得,於戲內穿得非常性感的她當然甚有睇頭,值得一睇再睇。《不日殺機》DVD及VCD剛剛於今個星期推出,特別版DVD有製作過程解構、片頭設計、導演及演員的評述,而且重有呢套戲的主題曲《DieAnotherDay》的MadonnaMV,上次響戲院就未必有得睇。