韓國成日都會傳出因為經理人駕駛不當而導致撞車嘅消息，而今日男團BlockB.成員Zico亦被爆喺本周三原來亦因為經理人酒後駕駛而發生交通意外，令粉絲非常擔心。

據知，喺本周三晚，Zico出席完成員朴經喺首爾江南區舉行嘅生日派對之後，就由經理人揸車送佢返屋企，但途中因為經理人違反信號而導致撞車，幸好經理人同坐喺座客席嘅Zico都冇咩大受傷。

其後，警方經調查後得知原來經理人酒後駕駛，而Zico所屬公司方面今日就表示：「Zico同經理人發生交通意外，佢兩個當時都處於醉酒狀態，但原來Zico唔知經理人有飲酒。」公司方面亦表示經理人現正反省當中。