洪永城、黃心穎、湯洛雯同鄭子誠等，今日為新劇《丫鬟大聯盟》喺大台古裝街開工，拍埋呢兩個禮拜就煞科，心穎之前患重感冒、又發燒甩咗半日拍外景，劇組同事俾佢休息一日半，馬國明仲化身「On Call 男友」凌晨四點揸車接心穎，陪佢睇醫生，講完心穎即展露甜笑，洪永城就讚心穎即使病咗，每次片場喺都會發放正能量，做片場開心果，洪永城都好欣賞心穎，喺劇中演一個八卦丫鬟，同洪永城有唔少對手戲。

洪永城拍完《丫鬟》後可以休息半個月，之後劇接劇，準備另一套新劇《多功能老婆》開工，劇中同朱晨麗演兩公婆；而同劇嘅「靚湯」湯洛雯仲要拍多5日之後，就去大陸拍攝另一劇集《包青天再起風雲》逗留兩星期。

精選娛聞，喺晒《娛果》
http://fb.com/appledailyent